OK👌劲爆：郭富城以《踏血寻梅》获九项金马提名

由郭富城、艾迪同金燕玲主演、翁子光导演嘅电影《踏血寻梅》，唔单止入围下月举行嘅台湾金马奖，仲获得9项提名，只系少过台湾导演侯孝贤嘅力作《剌客聂隐娘》，成为获最多提名嘅香港片，而《踏》已暂定喺年底上映。

而《踏》嘅预告片已可率先睇，戏里饰演老差骨嘅郭富城，染咗一头白发演出，同场仲有久违嘅艾迪，呢两位金马影帝喺戏中斗「戏」。

另外，戏里面饰演妓女、有大胆演出嘅内地演员春夏，亦凭呢部戏提名今届金马新演员奖。佢演得非常落力，先系有一场帮嫖客喺浴缸手淫嘅戏，最精彩系同李逸朗嘅激情戏份，与阿Don喺浴室湿身激吻。

除咗香艳镜头外，由于电影系根据真人真事嘅碎尸案改编，所以有唔少血腥镜头。而演凶手嘅白只，喺预告片有一场碎尸戏份，虽然睇得唔系好清楚，但都感受到嗰血腥气氛，据闻白只同现实中嘅杀人凶手有8成似样，佢亦凭呢部戏分别获金马奖新演员同男配角提名。