OK👌劲爆：古巨基深圳举行巡唱 公开同老婆Lorraine95年拍拖照

古巨基㖊晚喺深圳举行巡唱，下月11日光棍节喺中环四季酒店补摆喜酒嘅基仔，㖊晚特别喺个唱上为爱妻Lorraine设计甜蜜环节，一身燕尾服似足新郎打扮，将「结婚蛋糕」着上身出场，唱出苦练多时、古太至爱嘅韩剧《来自星星的你》主题歌《My Destiny》，不过佢唱完半首搞笑话：「有朋友同我讲，老婆未到80岁不要让她吃饱，所以我只先唱半首！」

另外，㖊晚基仔仲喺台上公开1995年同老婆嘅拍拖相，又幽默地讲出同与老婆由相识、相恋嘅过程，甜蜜爆灯。㖊晚基仔父母同外父外母都捧场，当然仲有老婆全程喺身边打点一齐。

㖊晚演唱会基仔以真人结合3D裸视特效，营造出怪兽要冲出舞台嘅震撼，观众唔使戴3D眼镜，都感受到时光隧道、云朵、雨、星星、白鸽、飞机、火车、樱花纷飞嘅视觉效果，基仔除大唱《找到你是我最伟大的成功》、《情歌王》等金曲，仲演绎TFBOYS《青春修炼手册》、小虎队《青苹果乐园》、李克勤《红日》、张国荣《Monica》等金曲。